Hollywood-i nuk po shtron tapetin e kuq për Tilly Norwood, një “aktore” e krijuar nga Inteligjenca Artificiale që ka shkaktuar trazira pasi krijuesit e saj holandezë thanë se ajo është në bisedime me një agjenci talentesh. Norëood mund të ngatërrohet lehtësisht me një aktore të re, reale, kur dikush e shikon në rrjetet e saj sociale. Bruneta pozon për foto dhe shfaq një skeç komedi të gjeneruar plotësisht nga inteligjenca artificiale. “Mund të jem e krijuar nga inteligjenca artificiale, por po ndiej emocione shumë të vërteta tani”, shkruan krijuesit e Tilly-t në faqen e saj. “Jam shumë e emocionuar për atë që do të vijë më pas!” Sindikata e fuqishme e aktorëve të Hollyëood-it e ka dënuar krijimin, së bashku me yje si Emily Blunt, Natasha Lyonne dhe Ëhoopi Goldberg. Norëood "nuk është aktore, është një personazh i gjeneruar nga një program kompjuterik që është trajnuar mbi punën e interpretuesve të panumërt profesionistë", tha në një deklaratë Federata Amerikane e Artistëve të Televizionit dhe Radios. "Nuk ka përvojë jetësore nga e cila të nxjerrë emocione dhe, nga ajo që kemi parë, audienca nuk është e interesuar të shikojë përmbajtje të gjeneruar nga kompjuteri të palidhur me përvojën njerëzore", tha sindikata. Aktorja artificiale u krijua nga aktorja dhe komediania holandeze Eline Van der Velden, e cila tha se donte që Norëood të bëhej "Scarlett Johansson e ardhshme". Inteligjenca Artificiale është kontestuar ashpër në Hollyëood dhe ka qenë një pikë ngërçi gjatë grevave të punponjësve të hollivudit që mbyllën industrinë dy vjet më parë, ndërsa shkrimtarët dhe aktorët kërkuan mbrojtje nga teknologjia.