Kur Jevgeni Prigozhin u drejtua për në Bjellorusi, pas kryengritjes jetëshkurtër të qershorit, ai mori mercenarët e Vagnerit me vete. Tani, duket se të gjithë ata do të qëndrojnë në bjellorusi për një kohë të gjatë. Raportohet se Vagner po ndërton një qytet me tenda që do të presë rreth 1 mijë mercenarë, pranë aeroportit ushtarak Zyabrovka, rreth 25 km larg kufirit ukrainas. Pretendimi vjen nga qendra ukrainase për rezistencë kombëtare që supozon se kampi do të përdoret për aktivitete sabotuese në rajonin e Chernihivit, një zonë që mbetet nën kontroll ukrainas. Vagner ka një histori të gjatë në aktivitetet provokuese pranë kufijve të vendeve të tjera. Instituti i studimeve të luftës thotë në anën tjetër se Vagner ka kryer stërvitje ushtarake afër Brestit, një nga qytetet më të mëdha të Bjellorusisë vetëm 1 kilometër larg nga kufiri polak. Ndërkohë, në veri të bjellorusisë, ndodhet e ashtuquajtura ngushtica Suvalki, një rrip territori kufitar mes bjellorusisë dhe kaliningradit, enklavë e shumë militarizuar ruse në detin baltik që nuk ka lidhje tokësore me Rusinë.