Aktet e dhundhme të demostruara nga ligjvënësit demokratë në parlament, nuk konsiderohen mosbindje civile nga ana e kryetares së kuvendit, Elisa Spiropali. Në një reagim shterues, Spiropali ndalet tek format e mosbindjes civile që prej sokratit në Greqinë e Lashtë e deri tek Mahatma Gandi. “Mosbindja civile e përjashton kategorikisht ngritjen e dorës për të demonstruar forcë dhe synon krijimin e një kontrasti moral paralizues, mes trupave të protestuesve paqësorë dhe korpusit të një padrejtësie shtetërore të perceptuar si të tillë nga shoqëria.” – thotë kryeparlamentarja, duke e mbyllur komentin e saj, me një mesazh të qartë për opozinën: “ Forca e dhuna fizike, përplasjet trupore, kërcënimet verbale, djegia e shkatërrimi, apo çfarëdo shprehje e përfshirë së fundmi nga opozitarët tanë në konceptin e “Mosbindjes Civile”, nuk mund t’i imponohen dot kurrë Kuvendit të Shqipërisë si të drejta demokratike të askujt.”