Disa javë pas zbulimit të një prej skandaleve më të mëdha në Greqi me përvetësimin e subvencioneve bujqësore të Bashkimit Evropian me vlerë miliona euro nga agjencia për menaxhimin e fondeve europiane ,OPEKEPE, policia ka arrestuar 37 persona. Aksioni i policisë u shtri në Athinë, Sealanik, Janinë dhe në ishullin e Kretës. Operacioni erdhi si rrjedhojë dhe e hetimeve të kryera nga OLAF dhe Zyrës së Prokurorit Publik Evropian ku rezultoi se të dyshuarit mashtronin duke deklaruar tokë bujqësore të rreme – madje edhe në zona arkeologjike, aeroporte ushtarake apo në malin Olimp – për të përfituar fonde që u takonin fermerëve të vërtetë. Gjatë hetimit paraprak, 324 individë u identifikuan si përfitues të subvencioneve, duke shkaktuar një humbje të vlerësuar prej mbi 19.6 milionë eurosh për buxhetin e Bashkimit Evropian. Dosja e çështjes përfshin 125 të pandehur, të cilët morën subvencione në periudhën 2018 - 2024. KE pas zbulimit të skandalit vendosi ndaj Greqisë një gjobë prej rreth 400 milion eurosh. Deri tani organet greke që po hetojnë skandalin kanë sekuestruar 22 milionë euro nga mbi 1,000 llogari bankare të rreme. Vetëm një nga të dyshuarit në Kretë akuzohet se përvetësoi 2.5 milionë euro.