Një 24 vjeçar është arrestuar nga Policia në mes të Lungomares në Vlorë, pas një operacioni të befasishëm. Sipas Policisë, ky shtetas lëvizte me armë zjarri me vete, pa leje. Policia ka publikuar nje video ku shihen efektivë të Policisë së Vlorës, të maskuar, që me dy mjete të kësaj drejtorie, tip Range Rover, kanë bllokuar në lëvizje e sipër një mjet tip Audi, me dy persona të tjerë. Të rinjtë shihen të shtrirë në tokë, ndërsa një prej tyre është 24 vjeçari me inicialet F.A, që kishte dhe armën e zjarrit. Sipas Policisë, bazuar në informacionet e marra në rrugë operative, se në lagjen “Uji i Ftohtë”, Vlorë po lëvizte një person i armatosur, është organizuar puna, dhe si rezultat i ndërhyrjes profesionale nga ana e shërbimeve të Sektorit për Hetimin e Krimeve Vlorë në bashkëpunim me Forcën Operacionale në DVP Vlorë dhe forcën e posaçme "Shqiponjat", u bë e mundur kapja dhe arrestimi në flagrancë i 24 vjecarit. Ky shtetas qarkullonte me automjetin e tij të markës Audi dhe gjatë kontrollit fizik iu gjet një armë zjarri pistoletë, me 1 krehër me 5 fishekë.