Një tjetër operacion antidrogë u zhvillua nga policia në qarkun e Shkodrës. Aksioni u shtri në zonat e pyllëzuara të këtij qarku, ku gjatë kontrolleve të ushtruara u asgjësuan 11 637 bimë dhe 6832 fidanë kanabis. Po ashtu u sekuestruan 10.5 kg lëndë narkotike në proces tharjeje. Në pranga përfunduan dy prej kultivuesve të drogës ndërsa u proceduan penalisht për shpërdorim të detyrave, 3 kryetarë fshatrash dhe 2 specialistë pyjesh. Në Vaun e Dejës u asgjësuan 300 bimë ndërsa si rrjedhojë e hetimeve të zhvilluara u kapën dhe dy kultivuesit e drogës. Në pranga përfundoi një 24-veçar dhe një 57-vjeçar ndërsa u vendos nën hetim kryeplaku. Ndërkohë në Fushë Arrëz u gjetën të mbjella 6832 fidanë narkotikë të mbjellë në kubikë dhe 1280 bimë narkotike. Aksioni vijoi edhe në Malësi të madhe e Teth ku u asgjësuan rreth 10 mijë bimë narkotike cannabis sativa.