Pas përplasjes tragjike në ajër mes avionit me 64 pasagjerë dhe anëtarë të ekuipazhit me një helikopter të ushtrisë amerikane, janë gjetur kutitë e zeza të avionit. Regjistruesi i të dhënave të fluturimit dhe regjistruesi i zërit të kabinës, të njohura si kutitë e zeza, mund të ndihmojnë në ofrimin e të dhënave për hetuesit, për të nxjerrë edhe shkaktarin e përplasjes. Sipas raporteve paraprake janë ngritur pyetje nëse mungesa e personelit në kullën e kontrollit të trafikut ajror në aeroportin e Uashington ndikoi në aksidentin fatal me 67 viktima. Sipas BBC në kushte normale dy persona menaxhojnë kontrollin e trafikut ajror për helikopterët dhe avionët që fluturojnë në zonë, një nga hapësirat ajrore më të kontrolluara në botë, ndërkohë të mërkurën në momentin e rrëzimit, këtë punë po e bënte vetëm një person. Pas aksidentit me 67 viktima, zyrtarët janë duke hetuar shkakun, ndërsa Bordi Kombëtar i Sigurisë së Transportit do të lëhsojë një raport paraprak brenda 30 ditëve.