53-vjeçari që mbeti I plagosur në aksidentin e ndodhur në fshatin e Funarës në Librazhd pasditen e së hënës ka nderuar jetë në spitalin e Traumës në Tiranë. Ai nuk mundi dot që t’u mbijetonte plagëve të marra gjatë përplasjes. Sipas të dhënave të policisë, automjeti drejtohej nga Besnik Laçku, i cili dyshohet se po lëvizte me shpejtësi dhe humbi kontrollin mbi mjetin. Makina doli nga rruga dhe u përplas disa herë me pemët anës saj, duke shkaktuar dëmtime të rënda tek shoferi e pasagjeri, ky I fundit humbi jetën. Burime nga grupi hetimor bëjnë me dije se drejtuesi i automjetit, Besnik Laçku, pas verifikimeve të kryera nga policia, rezultoi se ishte nën varësinë e alkoolit. Për këtë arsye ai është ndaluar nga uniformat blu dhe ndaj tij janë nisur procedurat ligjore për veprat penale që lidhen me shkeljen e rregullave të qarkullimit rrugor dhe pasojat e rënda të aksidentit.