Qindra banorë të fshatit Pajovë të Peqinit dhe zonave rrotull kanë protestuar mëngjeisn e së premtes për vdekjen e të djalit të mitur nga një aksident rrugor. Enio Tabaku humbi jetën mesditën e 31 tetorit, teksa ishte në trotuarin para shtëpisë së tij. Babai i fëmijës së vrarë në aksident kërkoi drejtësi dhe marrjen e masave që fatin e tij të mos e pësojë njeri tjetër. Ky nuk rasti i parë që ndodhin aksidente në këtë aks. Banorët kanë kërkuar vendosjen e barierave kufizuese të shpejtësisë, prani të policisë në orarin e shkollës e cila ndodhet në anë të rrugës, si dhe një mbikalim për këtë zonë, e cila ka një popullsi të konsiderueshme. Banorët bllokuan rrugën për disa minuta dhe me pas u larguan, duke lejuar lëvizjen e mjeteve. Protesta u mbikqyr nga policia e shtetit e cila u bashkua me dhimbjen e banorëve duke mos ndërhyrë në asnjë moment për të lejuar qarkullimin e mjeteve.