Dy të rinj shqiptarë kanë humbur jetën dhe tre të plagosur rëndë janë bilancet e aksidentit të ndodhur pasditen e 29 janarit (2026) në segmentin e Rrugës Provinciale 156 midis rajoneve Solere dhe Sanità në Savigliano, një rrugë e ngushtë e karakterizuar nga shumë aksidente në të shkuarën. Makina e të rinjëve me kombësi shqiptare u përplas ballë për ballë me një kamion. Sipas mediave italiane të dy shqiptarët, viktima të akisdentit ishin në moshën e të 20-tave. Ata ndodheshin në sediljen e shoferit dhe pasagjerit, në automjetin tip Jeep Avengers. Me ta po udhëtonte edhe një tjetër I ri shqiptar, 22 vjeç I cili është transportuar në spital jashtë rrezikut për jetën. Pasoja të rënda pati edhe për çiftin burrë e grua, të cilët po udhëtonin me kamionin, të cilët janë transportuar në spital. Mediat italiane shkruajnë se vdekja e dy të rinjve shqiptarë e çon në katër numrin e viktimave të aksidenteve rrugore në provincën e Cuneos që nga fillimi i vitit 2026.