Pesë persona kanë humbur jetën si pasojë e një aksidenti të ndodhur në rrugën nacionale Gjirokastër-Sarandë, në vendin e quajtur Muzinë. Burimet nga policia thanë se mjeti tip “Land Rover” me drejtues shtetasen R.Ç është përplasur me mjetin tip furgon me drejtues shtetasin B.P, ku si pasojë e mjeti tip furgon ka dal nga rruga dhe ka përfunduar disa metra poshtë rrugës. Për pasojë kanë humbur jetën 5 shtetas, të cilët ndodheshin në mjetin tip furgon. Terreni i vështirë e ka vështirësuar nxjerrjen e trupave dhe të plagosurve në aksidentin tragjik edhepas mbërritjes të autoambulancës. Në furgonin e linjës Sarandë-Tiranë, mes të plagosruve dyshet të ketë qenë edhe një fëmijë. Mjeti me targa AA 484 T, furgon tip “Benz”, dyshohet se ka humbur kontrollin si pasojë e shpejtësisë dhe lagështirës në rrugë. Forcat e zjarrfikëses dhe qytetarët kanë ndërhyrë për t’u dhënë ndihmën e parë personave që ndodheshin brenda furgonit, i cili është copëtuar nga rënia disa metra nga rruga, ku ka përfunduar në greminë. Grupi hetimor ka nisur punën për zbardhjen e shkaqeve të aksidentit.