Njëmbëdhjetë persona, përfshirë dy fëmijë, vdiqën në një aksident rrugor në Brazilin Juglindor ndërsa 17 të tjerë u plagosën pasi një autobus doli nga rruga dhe u përmbys. Shoferi i autobusit, me 45 pasagjerë, raportohet se "humbi kontrollin" e mjetit gjatë orëve të para të mëngjesit të kësaj të marte në afërsi të Araguari, në shtetin Minas Gerais. “Deri më tani janë konfirmuar 11 vdekje: dhjetë në vendin e aksidentit dhe një viktimë tjetër pas mbërritjes në spital”, tha Policia Civile për AFP. Shoferi ndërkou mbijetoi ndërsa 17 pasagjerë të tjerë u shtruan në spital, "disa prej tyre me gjendje më të rëndë", sipas Departamentit të Zjarrfikësve. Autobusi po udhëtonte midis Goias dhe São Paulos. Aksidentet rrugore me autobusë janë të zakonshme në Brazil. Në shkurt, 12 studentë universiteti vdiqën në një aksident mes një autobusi dhe një kamioni në shtetin juglindor të Sao Paulos. Në dhjetor të vitit të kaluar, 41 persona vdiqën në një tjetër aksident me autobus në shtetin Minas Gerais, më i keqi në autostradat federale të vendit që nga viti 2007.