Një 45-vjeccar ka humbur jetën tragjikisht si pasojë e një aksidenti të ndodhur në një kantier ndërtimi në zonën e Palasës në Dhërmi. Viktima është identifikuar si Kreshnik Haskja. Ai është goditur gjatë punës si ndërtues në një kantier nga një fadromë, që drejtohej nga 26-vjeccari, Elidon Pashaj. Si pasojë e goditjes, 45-vjeccari ka marrë plagë të rënda. Ai është transportuar për në spital, por nuk ka arritur që t’u mbijetojë plagëve dhe mjekët e kanë shpallur të vdekur. Policia është duke hetuar shkaqet e aksidentit dhe nëse janë respektuar masat e sigurisë së punës brenda kantierit, që sipas raportimeve rezulton se po ndërtohej nga një kompani nënkontraktore me zyra qendrore në Tiranë. Ndërkohë, në një tjetër incident në Vlorë, një makineri pastrimi kanalesh ka marrë flakë, dyshuar nga mbinxehja. Fatmirësisht nga kjo ngjarje nuk raportohen viktima.