Një aksident tragjik ka ndodhur të mërkurën në rrugën dytësore Tiranë-Durrës. Një 27-vjeçar ka aksidentuar me makinë një 35-vjeçare, e cila si pasojë është dëmtuar dhe ka ndërruar jetë në spital. Viktima Matilda Salla, 35 vjeçe, teksa lëvizte në këmbë, është përplasur nga një automjet me drejtues Orges Bashkurtin. Specialistët e Komisariatit të Policisë Rrugore kanë arrestuar 27-vjeçarin, Orges Bashkurtin, banues në Tiranë. Nuk dihen ende rrethanat që çuan në aksidentin fatal, ku humbi jetën e reja. Policia dhe grupi hetimor po punojnë për shkaqet dhe për të zbardhur plotësisht aksidentin e ndodhur një ditë më pare, në datën 13 shtator.