Një 16 vjeccar ka gjetur vdekjen dhe një tjetër person është në gjendje të rëndë në spitalin e traumës në Tiranë si pasojë e një aksidenti të rëndë rrugor të ndodhur pasditen e së shtunës në Durrës. Aksidenti u regjistrua në afërsi të Hamallajt, kur dy automjete janë përplasur kokë më kokë me njëra-tjetrën. Si pasojë e aksidentit, ka gjetur vdekjen 16-vjeccari Alban Hasrama, ndërsa është plagosur në gjendje të rëndë 20-vjeccari Eriseld Kamberi. Dy të rinjtë po udhëtonin me një mjet tip Volksvagen, kur janë përplasur me makinën e drejtuar nga 25-vjeccari me inicialet O.M. Ky i fundit ka pësuar lëndime të lehta nga përplasja. Policia ka mbërritur menjëherë në vendin e ngjarjes. Paraprakisht dyshohet se shkak i aksidentit ka qenë shpejtësia e lartë me të cilën po udhëtonin dy të rinjtë në automjetin tip Volksëagen