Një aksident I rëndë I ka marrë jetën një 20-vjeçari këtë të premte në segmentin rrugor Shënavlas-Sektor Rinia. Si pasojë e plagëve të marra 20-vjeçari ndërroi jetë në spital. Sipas policisë automjeti me drejtues shtetasin L. B., 33 vjeç, ka goditur këmbësorin, shtetasin D. N., 20 vjeç, i cili ka humbur jetën. Sipas policisë drejtuesi i automjetit një 33-vjeçar, është shoqëruar në Komisariatin e Policisë Durrës, për veprime të mëtejshme. Burime bëjnë me dije se i riu sapo kishte dalë nga një lokal që ndodhej në zonë. Ndërsa paraprakisht raportohet se makina ka qenë me shpejtësi shumë të lartë. Po ashtu të njëjtat burime nga vendi I ngjarjes bëjnë me dije se rruga paraqet rrezikshmëri për këmbësorët, pasi është e prishur dhe është pa trotuare.