Të paktën 38 persona kanë humbur jetën në një aksident të tmerrshëm pasi një autobus i mbushur me njerëz u përplas me një kamion në Brazil përpara se të shpërthente në flakë. Presidenti i vendit, Luiz Inacio Lula da Silva, e përshkroi aksidentin fatal si një "tragjedi të tmerrshme" me imazhet rrëqethëse që tregonin autobusin e djegur në anë të rrugës. Autobusi, me 45 pasagjerë, mori flakë pasi një prej gomave të tij shpërtheu papritur dhe e nxori mjetin jashtë kontrollit, thanë dëshmitarët e tmerruar. Shoferi u përpoq për ta mbajtur autobusin në rrugë përpara se të përplasej me një kamion që po afrohej. Dhjetra pasagjerë humbën jetën, bashkë me shoferin. Pak caste pas përplasjes, shpërtheu edhe zjarri. Pamjet tregonin zjarrfikësit që përpiqeshin të shuanin flakët. Kamioni ndërkohë u dëmtua rëndë dhe u përplas edhe me një makinë tjetër pas autobusit. Makina e vogël u shtyp nën peshën e kamionit por drejtuesi dhe dy pasagjerët shpëtuan për mrekulli. 13 persona janë dërguar në spital pas aksidentit, tha departamenti lokal i zjarrfikësve. Aksidentet rrugore janë të shpeshta në vend dhe më shumë se 10,000 njerëz kanë humbur jetën tragjikisht në Brazil vetëm këtë vit.