Udhëheqësi suprem i Iranit, Ajatollahu Ali Khamenei, raportohet se po fshihet në një bunker nëntokësor, për shkak të frikës se mund të eleminohet nga sulme ajrore amerikane. Autokrati 86-vjeçar thuhet se ka hyrë në një strehë të fortifikuar rëndë, të lidhur nga një labirint tunelesh nën Teheran, ndërsa një armatë amerikane është nisur drejt Gjirit Persik. Masa e tij erdhi pasi zyrtarë të lartë ushtarakë paralajmëruan udhëheqësin suprem se një sulm amerikan mund të jetë i afërt, sipas Iran International. Khamnei ia ka dorëzuar kontrollin e përditshëm të Republikës Islamike djalit të tij më të vogël, Masoud Khamenei, 53 vjeç, i cili tani vepron si kanali kryesor i regjimit për degën ekzekutive. Publikisht, Teherani po rreh gjoksin. Por privatisht, udhëheqësi i tij suprem duket se po fshihet nga zemërimi i Donald Trump. Presidenti amerikan tha të premten se kishte nisur një armatë masive në Lindjen e Mesme, në një paralajmërim për Teheranin pas ditësh kërcënime në rritje. Grupi i sulmit që kryesohet nga aeroplanmbajtësja Abraham Lincoln, me pesë skuadrone avionësh luftarakë dhe të paktën tre destrojerë të armatosur me raketa, tani po lëviz nga Oqeani Indian drejt ujërave të Iranit.