Pas 35 vitesh sundim në Iran, Ali Khameneit duket se po i mbarojnë opsionet. Udhëheqësi suprem 86-vjeçar po përballet me sfidën e tij më serioze deri më tani. Protestuesit brohorasin "vdekje Khameneit" në vend të "vdekjes Amerikës", që ka qenë edhe thirrja tradicionale të regjimit. Protestat kundër tij kanë hyrë në javën e tyre të dytë dhe janë përhapur në të gjithë Iranin. Khamei gjithmonë i ka shtypur revoltat dhe disidentët me forcë brutale, dhe pati sukses në vitet 2009 dhe 2019, kur protestat ishin më të përqendruara gjeografikisht. Njerëzit tani kudo në iran, janë përsëri të zemëruar, por shkalla e demonstratave është shumë herë më e gjerë dhe tërbimi është aq i madh sa që nuk mund të shtypet pa mijëra viktima. Regjimi e ka bërë të qartë se demonstruesit përballen me ekzekutim ose kërcënimin e kthimit të armëve të ushtrisë kundër tyre. Por ajatollahu ka dyshime për gatishmërinë e ushtrisë dhe policisë për të vrarë iranianë.