Gjykata e Posacme antikorrupsion rrëzoi kërkesën e ish ministrit të financave Arben Ahmetaj për heqjen e sekuestros së një llogarie bankare me vlerë 108 mijë euro. Vendimi u mor nga gjyqtari Erjon Bani i cili nuk e gjykoi të arsyeshme kërkesen e ish zëvëndëskryeministrit. Ahmetaj është shpallur në kërkim ndërkombëtar që prej muajit korrik, kur prokuroria e posacme antikorrupsion lëshoi urdhër arrest ndaj tij, për kryerjen e 3 veprave penale. Konrketisht për “mosdeklarim, deklarim të rremë dhe fshehje të pasurisë”, vetëm dhe në bashkëpunim, “Korrupsion pasiv të funksionarëve të lartë shtetërorë ose të zgjedhurve vendorë” në gjashtë raste, “Pastrimit të produkteve të veprës penale ose veprimtarisë kriminale”.