Hamasi pretendon se nuk e di se ku mbahen në gaza me dhjetëra fëmijë pengje ndërsa Izraeli ka shpresë se akoma më shumë persona do të lirohen në vijim. Kjo ndodh ndërsa presidenti amerikan Joe Biden po bën presin mbi kryeministrin izraelit, Benjamin Netanjahu për të zgjatur armëpushimin që do të mbarojë në mesnatë. Izraeli tha se ëhstë i hapur ta zgjasë armëpushimin katër ditor por kërkoi që hamasi të bjerë dakord të lirojë më shumë nga 200 pengjet që mori muajin e kaluar. Ai ka ofruar një ditë shtesë armëpushimi për cdo 10 pengje që do të kthehen në shtëpi. Pas kësaj, do të rifillojë lufta me forcë të plotë – insiston Netanjahu. Cdo marrëveshje do të varet nga fakti nëse Hamasi është apo jo në gjendje të lokalizojë rreth 40 gra dhe fëmijë të rrëmbyer më 7 tetor, tha kryeministri i katarit. Por terroristët pretendojnë se nuk e dinë vendndodhjen e pengjeve izraelite pasi ata po mbahen edhe nga banda të panjohura në gaza. Sheiku Mohamed Bin Abdulrahman al Thani, që po udhëheq bisedimet, tha për Financial Times se nëse Hamasi do të sigurojë lirimin e më shumë grave dhe fëmijëve, do të ketë zgjatje të armëpushimit. “Ne nuk kemi ndonjë informacion të qartë se sa pengje do të mund të gjejnë ata...dhe një nga qëllimet e pauzës në luftime ishte që hamasi të kishte kohë të kërkonte pjesën tjetër të të zhdukurve”. Pretendimi sidoqoftë është pritur me dyshim në mesin e frikës se shefat e hamasit do ta përdorin armëpushimin për tu rigrupuar dhe për të shkaktuar më shumë gjakderdhje...