Parlamenti i Gjeorgjisë është në gjendje gatishmërie për sa i takon sigurisë, pas përleshjeve që shpërthyen në orët e para të së mërkurës mes policisë dhe protestuesve që kundërshtojnë projektligjin për agjentët e huaj. Ky projektligj konsiderohet nga shumëkush si pasqyrim i një ligji të përdorur nga qeveria ruse për të mbytur disidencën në vend. Deputetët planifikohej të rifillonin diskutimin e projektligjit gjatë një sesioni të 1 majit dhe pritej të votonin ligjin pas leximit të dytë të tij. Në orët e vona të 30 prillit, forcat gjeorgjiane të sigurisë përdorën gaz lotsjellës dhe topa uji për të shpërndarë mijëra protestues. Një zëdhënës i Ministrisë së Brendshme tha se 63 persona u arrestuan dhe gjashtë policë u plagosën. Nuk dihet se sa protestues janë lënduar. Edhe disa deputetë të opozitës janë plagosur gjatë përleshjeve, tha një zëdhënës i ministrisë së brendshëm.