Shqiptarët shkojnë në kutitë e votimit të dielën për zgjedhjet legjislative që shihen si vendimtare për të vlerësuar zhvillimin demokratik të vendit dhe për të përcaktuar qëllimin e tij për një të ardhme evropiane. Vota vë përballë kryeministrin në largim Edi Rama kundër rivalit të tij të hershëm Sali Berishës, shkruan agjencia franceze e lajmeve AFP. Rama po kërkon mandatin e katërt radhazi me premtimin e anëtarësimit në BE deri në 2030-ën. Dyert e Brukselit, sipas tij, janë çelësi për "t’i dhënë shqiptarëve një pasaportë evropiane" dhe për t'u lejuar atyre të "përfitojnë të njëjtat të drejta si qytetarët e të gjitha vendeve të tjera evropiane". Duke u përpjekur të ndalë Ramën, kryeopzitari Berisha kryeson një koalicion opozitar nën një slogan të ngjashëm me atë të Donald Trump, Shqipëria madhështore, duke premtuar ringjalljen ekonomike të vendit. Ndërkohë, vetë shqiptarët, presin shumë.