Gjykata Kushtetuese i la për detyrë Kuvendit që brenda 31 korrikut të këtij viti të hartonte një formë të re përllogaritje të pagave të magjistratëve. Kjo pasi rrëzoi si antikushtetuese formulën që hyri në fuqi tre vite më parë, e që ndryshoi referencën e pagës së magjistratëve nga drejtori i drejtorisë së përgjithshme në Kryeministri, te paga e Presidentit të Republikës. Gjykata Kushtetuese konstatoi se kjo ndërhyrje e Kuvendit çoi në një ulje faktike të pages për magjistratës, pasi pavarësisht se formalisht ajo nuk ishte ulur, nuk reflektonte zhvillimet ekonomike dhe nuk merrte parasysh as inflacionin. Vetëm në 30 korrik të këtij viti, në mbyllje të sesionit parlamentar, është depozituar në kuvend një projektligj nga deputetët e Partisë Socialiste, Aulona Bylykbashi dhe Admir Kadeli që synojnë të adresojnë këtë vendim të Kushtetueses.