Kur një aeroport u ndërtua në ishullin në mes të atlantikut, Shën Helena, ai u konsiderua fillimisht aeroporti më i padobishëm në botë. Kjo për shkak se era që fryn gjithnjë mbi pistën e tij në majë të një kodre e bënte shumë të rrezikshme uljen e avionëve. Sot, aeroporti funksionon por është i kategorisë C, cka do të thotë se pilotët duhet të trajnohen vecanërisht për tu ulur atje. E ky nuk është i vetmi aeroport i tillë. Më poshtë, do tju prezantojmë disa prej aeroporteve më të mahnitshme por edhe më të frikshme në të njëjtën kohë, në botë. Ata që shkojnë me pushime në Madeira, e dinë se ishulli është i famshëm për uljet e vështira të avionëve, e madje disa herë këta të fundit nuk munden të ulen fare në pistë. Vendosja e aeroportit në terren të lartë do të thotë turbulenca dhe erë e fortë, që shpesh pengon avionët të ulen. Për më tepër pista fillon në njërin skaj të kodrinës dhe mbaron në skajin tjetër.