Top News – Aeroplanmbajtësja e parë e prodhuar në vend/India prezanton anijen, ‘kartolinë’ për Kinën

India prezantoi aeroplanmbajtësen e parë të saj, të prodhuar në vend, të premten, një arritje e madhe kjo në përpjekjet e qeverisë për të reduktuar varësinë e saj nga prodhuesit e huaj të armëve dhe për të balancuar agresivitetin në rritje ushtarak të Kinës në rajon. INS Vikrant, një nga anijet më të mëdha në botë, ka një gjatësi prej 262 metrash dhe do të hyjë zyrtarisht në shërbim pas 17 vitesh ndërtim dhe testim. Ajo trashëgon emrin e luftanijes tashmë të dalë në pension që u bë e famshme pasi i bëri bllokadë forcave detare të Pakistanit gjatë luftës për pavarësinë e Bangladeshit në 1971.