Shërbimi Federal i Sigurisë në Rusi, FSB, tha se kishte parandaluar një përpjekje të inteligjencës ukrainase për të shkatërruar aeroplanmbajtësen e vetme të vendit, Admirali Kuznetsov, në Rusinë veriore. Në mars, një oficer i inteligjencës ukrainase i cili u prezantua si "Oleg" kontaktoi me një shtetas rus i cili po punonte në anijen e marinës ruse, përmes platformave ËhatsApp dhe Telegram. Oleg ofroi një shpërblim të madh dhe një mundësi për të udhëtuar jashtë vendit për kryerjen e "një sulmi terrorist" në anije, tha FSB. Ai shtoi se operacioni ishte mbikëqyrur personalisht nga kreu i agjencisë së inteligjencës ushtarake të Ukrainës, Kyrylo Budanov. Admiral Kuznetsov, e lëshuar në det në 1985, ka qenë jashtë shërbimit dhe në riparim që nga viti 2018 pasi një vinç u rrëzua mbi të në një port afër Murmanskut. Në korrik 2023, media shtetërore ruse raportoi se anija mund të rihyjë në shërbim deri në fund të këtij viti.