Aeroplanmbajtësja USS Carl Vinson mbërriti në një bazë të rëndësishmedetare në Korenë e Jugut të dielën, duke riafirmuar angazhimin e Uashingtonit për të zbrapsur "kërcënimet e vazhdueshme të Koresë së Veriut", tha marina e Seulit. Anija me energji bërthamore, pjesë e Grupit të parë të sulmit, u ankorua në qytetin juglindor të Busanit, që ndodhet 320 kilometra larg nga Seuli. Vizita shënon herën e parë që një aeroplanmbajtëse amerikane mbërrib në Korenë e Jugut që kur Presidenti Donald Trump u kthye në Shtëpinë e Bardhë në janar. USS Carl Vinson shoqërohej nga kryqëzori i armatosur me raketa USS Princeton dhe destrojeri i pajisur me sistemet Aegis, USS Sterett. Marina e Koresë së Jugut e përshkroi vizitën si pjesë e përpjekjeve për të forcuar premtimin "e hekurt" të SHBA-së për parandalimin e zgjeruar dhe për të përmirësuar pozicionin e kombinuar të mbrojtjes kundër "kërcënimeve të vazhdueshme të Koresë së Veriut".