Budapesti shkakton sërish pakënaqësi në Bruksel. Komisoni i BE-së po kërkon të marrë masa kundër ndalimit të hyrjes për gjermanët dhe shtetas të tjerë të bllokut që vendosi Budapesti për shkak të pandemisë së koronavirusit. Ligji për ndalimin e hyrjes së shtetasve të huaj në këtë vend hyri në fuqi në 1 shtator dhe u justifikua me faktin se numri I infektimeve të reja është rritur shumë prej lëvizjeve. Ndërkohë që edhe pse theksohej se një pjesë e problemit I detyrohet shtetasve të huaj, ka bërë përjashtim për vendet partnere të të ashtuquajturit Grupi i Vishegradit. Qytetarët e Polonisë, Çekisë dhe Sllovakisë mund të hyjnë në Hungari nëse paraqesin një test negativ të koronavirusit, i cili nuk është më i vjetër se pesë ditë. Sipas Komisionit të BE-së ky vendim përbën diskrimimin të qytetarëve të vendeve të tjera të bllokut, për këtë arsye dhe kërkoi shpjegime. Përmes një letre zyrtare, Komisioneri europian I Drejtësisë, Didier Reynders, theksonte se qeverisë hungareze i sqarohet "rëndësia e integritetit të zonës Shengen dhe e zbatimit jo diskriminues të masave kufitare për të gjithë qytetarët e BE". Brukseli nuk mund të marrë masa kundër vendimeve për kufizimin e udhëtimit, sepse çështjet shëndetësore dhe e drejta e hyrjes në një vend janë në kompetencën e qeverive kombëtare, por mund të veprojë në rast diskriminimi.Në fillim të krizës së koronavirusit shumë vende të BE-së mbyllën kufijtë për vendet e tjera anëtare. Por pjesa më e madhe e qeverive në Europë tani po ndjekin tani një qasje të diferencuar bazuar në vëzhgimin e situatës në rajone të caktuara.