Ndërsa pjesë të mëdha të Evropës dhe Amerikës së Veriut përballen me zjarre dhe temperatura të larta, pjesë të Afrikës së Jugut janë të mbuluara nga dëbora e vonë, pak përpara sezonit të pranverës së hemisferës jugore. Imazhet tregojnë pjesë të peizazhit në Kepin Lindor të Afrikës, të mbuluara me borë. Sipas Shërbimit të Motit të Afrikës së Jugut, temperaturat më të ftohta pritet të sjellin shi në brendësi të vendit dhe më shumë dëborë në rajonet malore. Ekspertët thonë se një sistem i fortë dimëror ka sjellë borë, temperatura të acarta dhe kushte të rrezikshme udhëtimi në afrikën e jugut me disa rrugë që janë bërë të vështira apo të pakalueshme. Shoferëve u është kërkuar të kontrollojnë gjendjen e rrugëve përpara se të udhëtojnë, të tregojnë kujdes në kalimet malore dhe të shmangin udhëtimet e panevojshme ku kushtet janë të rrezikshme.