Ushtria izraelite tha të hënën se nëntë ushtarë po hetoheshin në një rast të dyshuar të abuzimit të një të burgosuri në një objekt ku mbaheshin palestinezë ttë arrestuar nga Gaza gjatë luftës. Ndërkohë civilët izraelitë protestuan jashtë ambinteve të bazës ushtarake në mbështetje të tyre. Një zëdhënës ushtarak konfirmoi për AFP se nëntë ushtarë ishin mbajtur dhe ata "u morën në pyetje" në këtë rast. Ushtria tha se ka hapur një hetim për "abuzimin e dyshuar". Pas fillimit të luftimeve midis militantëve të Hamasit dhe forcave izraelite në Gaza, agjencitë e Kombeve të Bashkuara, mbrojtësit e të drejtave, zyrtarët në territorin e drejtuar nga Hamasi dhe ish të burgosurit e intervistuar nga AFP kanë pretenduar të gjithë abuzime gjatë ndalimit. Ushtria izraelite ka thënë se kushtet e saj të paraburgimit janë në përputhje me ligjin ndërkombëtar. Mediat izraelite raportuan se i arrestuari ishte një palestinez, i cili dyshohet se ishte abuzuar nga disa ushtarë izraelitë në objekt. Disa izraelitë, kur dëgjuan për ndalimin e ushtarëve, nxituan drejt Sde Teiman në shenjë mbështetjeje, me disa që madje arritën të hynin në të, treguan pamjet e drejtpërdrejta të transmetuara nga rrjetet televizive izraelite.