Gjykata e Lartë në Shtetet e Bashkuara të Amerikës hapi dritën jeshile për spitalet në Idaho të ofrojnë aborte emergjente. Vendimi anulon urdhrin e mëparshëm të gjykatës që ndalonte abortin madje dhe në rastet e urjgencave shëndetësore. Vendimi procedural nuk u jep përgjigje pyetjeve kyçe dhe mund të nënkuptojë që çështja të rikthehet përsëri në gjykatën me shumicë konservatore. Sipas Associadet Prres vendimi erdhi pas një çështje të ngritur kundër shtetit Idaho nga administrata e Presidentit Biden, e cila argumentoi se në bazë të një ligji federal, mjekët duhet të lejohen të ofrojnë aborte urgjente kur një grua shtatzënë përballet me rreziqe serioze shëndetësore. Shteti Idaho argumentoi se ligji i saj bënte përjashtime për të shpëtuar jetën e një gruaje shtatzënë dhe se ligji federal nuk kërkon përjashtime të zgjeruara. Vendimi i gjykatës rikthen në fuqi vendimin e një gjykate më të ulët në bazë të cilit spitalet mund të kryejnë aborte në rastet urgjente për të mbrojtur shëndetin e një pacienteje shtatëzënë.