Nënkryetarja e Aleancës për Ardhmërinë e Kosovës, Time Kadrijaj, akuzon Lëvizjen Vetëvendosje për pengimin e konstituimit të Kuvendit dhe formimit të qeverisë së re, pas zgjedhjeve parlamentare të 9 shkurtit. Ajo hedh poshtë çdo lloj mundësie për koalicion me partinë e parë më të votuar në Kosovë duke shtuar se forca politike e drejtuar nga Albin Kurtit mund të zvarrisë konstituimin e Kuvendit edhe nëse zgjidhet Albulena Haxhiu kryeparlamentare, duke mos votuar nënkryetarët e propozuar nga PDK dhe LDK.