Rusia synon të krijojë një tjetër fushë-beteje, këtë herë në Kosovë. Është ky arlarmi që ngre e përditshmja gjermane “Bild” në një shkrim të cili e nis pikërisht me pyetjen: A do të ndezë Putin së shpejti luftën e ardhshme në Evropë? Duke folur për median gjermane, ekspertët e Ballkanit paralajmërojnë një konflikt në rajon e saktësisht në Kosovë, teksa për këtë plan do të ndihmohet nga miku I tij, Aleksander Vucic. “Putini do të krijojë një fushëbetejë në tokën evropiane, në Ballkan, përpara zgjedhjeve evropiane, me ndihmën e presidentit serb”, ka thënë aktivistja evropiane Kati Schneeberger për “Bild”, e cila I referohet pikërisht ndezjes së konfliktit në Kosovë. Media gjermane bën më pas një analizë të situatrës, me ndihmën e ekspertit serb Jakov Devcic, I cili sjell në vëmendje disa momente të rëndësishme, në të cilat Serbia është rreshtuar qartësisht në mbështetje të Rusisë. Kështu në shtator të 2022-shit, në margjinat e Asamblesë së Përgjithshme të OKB-së, Serbia nënshkruan një marrëveshje bashkëpunimi me Rusinë dhe për më tepër nuk vendos sanksione ndaj Moskës zyrtare.