Në një fjalim të gjatë para dhomës së ulët të parlamentit polak, ministri i jashtëm Radoslaë Sikorski kritikoi "fantazitë e dominimit" të Rusisë. Ministri i Jashtëm polak dënoi ashpër rusinë për pushtimin e ukrainës, duke i bërë moskës një pyetje: "A nuk keni toka të mjaftueshme?" Sikorski përshkroi në parlament situatën sfiduese me të cilën përballet Polonia me luftën përtej kufirit dhe kërcënimin e zgjerimit të konfliktit dhe shprehu shqetësime për "shpërbërjen" e unitetit perëndimor. Varshava është një nga mbështetësit kryesorë të Kievit dhe Sikorski e përdori fjalimin e tij për të kritikuar ashpër Rusinë dhe udhëheqësit e saj. "A nuk keni toka të mjaftueshme? Njëmbëdhjetë zona kohore dhe ende nuk jeni ngopur? Kujdesuni për qeverisjen më të mirë të asaj që është brenda kufijve tuaj sipas ligjit ndërkombëtar," tha ai. "Ankthi dhe pyetja se çfarë do të ndodhë, rëndojnë mbi cdo shtëpi polake. A jemi edhe ne të rrezikuar nga një agresion rus? A po shkojnë marrëdhëniet midis Evropës dhe SHBA drejt një krize? A mundet Evropa të përmirësojë shpejt aftësitë e saj mbrojtëse?" pyeti Sirkorski.