Donald Trump u bë i pari ish-president amerikan, ndaj të cilit ngrihet nëj akuzë penale, pasi një juri e madhe ka votuar për ta paditur atë, pas hetimit të pagesës prej 130.000 dollarësh për Stormy Daniels, në përpjekje për të blerë heshtjen e saj, për një aferë të supozuar. Kjo akuzë historike, vjen në një moment mjaft të rëndësishëm, pasi trump është në kulmin e fushatës së tij zgjedhore për t’u rikthyer si president i Shteteve të Bashkuara të Amerikës. Por a e ndalon ngritja e akuzave, kandiddimin e Trump për president? Përgjigjen e jep profesorja e Shkollës Juridike të Nju Jorkut, Anna Kominsky, e cila shprehet se Trumpit nuk mund t’i hiqet e drejta e kandidimit, as për shkak ët akuzave të ngritura ndaj tij, por as nëse ai dënohet nga gjykata. “Në fakt, nuk ka shumë kërkesa kushtetuese për të kandiduar për president. Nuk ka asnjë ndalim të drejtpërdrejtë në Kushtetutë për praninë e një aktakuze apo edhe të një dënimi”, shpjegoi Kominsky. Gjithsesi kureshtja është nëse këto problem do të ndikojnë pozitivisht apo negativisht në kandidaturën e Trump. Shumica e analistëve politkë, thonë se ky është nëj terren që i përshtatet shumë ish-presidentit amerikan, pasi rikthehet sërish në qendër të vëmendjes në Partinë Republikane dhe vetë Trump, me ekipin e tij, janë specialistë të shfrytëzimit të këtyre situatave. Pamjet: AFP