Gjatë gjashtë ditëve të fundit, forcat tokësore izraelite kanë hyrë thellë në Gazë në luftën e tyre kundër Hamasit, që u shpall si përgjigje ndaj sulmeve të përgjakshme të 7 tetorit mbi Izraelin, të kryer nga grupi militant islamik. Një grup në rritje njësish, duke përfshirë forcat detare, ajrore dhe tokësore, i janë bashkuar përpjekjes. Ushtria izraelite tha se ka vrarë dhjetëra militantë dhe ka dëmtuar rrjetin strategjik të tuneleve të Hamasit. Ushtarët janë vendosur në shtëpitë e braktisura palestineze dhe kanë ngritur pozicionet e tyre. Edhe pse operacioni po zgjerohet çdo ditë, ushtria izraelite refuzon ta quajë pushtim. Përdorimi i frazave të paqarta për këtë temë duket se është një strategji e qëllimshme që synon të mbajë armikun jashtë balancës dhe të ruajë opsionet e tij ndërsa zhvillohet një luftë e gjatë. A është pushtim ai që po shohim në Gaza? Në kuptimin e mirëfilltë të fjalës një pushtim izraelit duket se po ndodh. Trupat tokësore kanë hyrë në gaza e po operojnë atje. Ushtria ka dhënë pak detaje për operacionet por ka pranuar se tanket, artileria, këmbësoria, buldozerët dhe forcat speciale, po marrin pjesë në to. Operacioni sipas ushtrisë, po mbështetet edhe nga sulmet ajrore.