E hëna është afati i fundit i dorëzimit të aplikimeve për prokurorët e juridiksionit të përgjithshëm që duan të bëhen pjesë e prokurorisë së posaçme, SPAK. Deri të premten, në strukturën e posaçme nuk ishte dorëzuar asnjë aplikim. Mes emrave që janë përfolur si kandidatë potencialë për t’u bërë pjesë e kësaj strukturë është edhe Kryeprokurori i Elbasanit, Kreshnik Ajazi, me urdhër të të cilit u godit banda e Laert Haxhiut në kuadër të operacionit ‘Never Forget’.