Lajmi i bujshëm i dy ditëve më parë për vdekjen e mbretëreshës Elizabeth II mori vëmendjen e të gjitha mediave në mbarë botën për shkak të kontributit dhe fronit që ruajti për rreth 70 vite në Britaninë e Madhe. Pyetjet pas kësaj humbjeje janë të mëdha, por një nga pyetjet më të shpeshta të këtyre ditëve ka qenë arsyeja se përse mund dhe nuk mund të bëhet Camilla mbretëresha e re e Britanisë së Madhe. Për shkak të të gjitha historive të çuditshme të lidhjes së Charles-it dhe Camilla-s është aluduar gjthnjë nëse pas momentit që Charles kurorëzohet si mbret edhe bashkëshortja e tij të marrë titullin mbretëreshë, por duket se “fati” këtë herë nuk është me Camilla-n, pasi kujtojmë se në Shkurt të këtij viti mbretëresha Elizabeth bëri një deklaratë ku pranoi se pas vdekjes së saj dëshironte që Camilla të merrte titullin “Queen Consort” e të njihet si bashkëshortja e birit të saj. Në vitin 2005 Charles e Camilla u martuan, por në të njëjtën kohë u arrit një marrëveshje që Camilla do të njihet si bashkëshorte princeshë, por jo me titullin e mbretëreshës. E po ashtu këtë vit duket se gjërat nuk ndryshuan në ceremoninë e Elizabeth II teksa shënohej viti I 70-të I fronit.