Ish sekretari i përgjithshëm i Partisë Demokratike, Arben Ristani, i ftuar sot në emisionin “Breaking” në Top Neës bëri një analizë të situatës politike pas zgjedhjeve të përgjithshme parlamentare, si rezultat i të cilave Partia Demokratike krijoi opozitën për kuvendin e katër viteve në vijim. “PD do të jetë në opozitë në katër vitet e ardhshme, por nga këtu duhet nisur analizimi. Për mua gabimi i filluar te mos pjesëmarrja në veprimtaritë ligjore, që me ligjin për ndarjen territoriale, duke mos marrë pjesë PD i lejoi mundësi mazhorancës të kemi këtë ndarje territoriale që ka impakt. Defektet e mëdha është dalja nga Parlamenti. Pavarësisht se kam qenë pro e kam kuptuar shumë shpejt se bëmë gabim. Solli ligjin e ri elektoral që favorizoi mazhorancën, për shkak të djegies së mandateve të deputetëve. Mangësitë që tregoi më pas PD se si i zhvilloi demokracinë e brendshme, ku mungoi vendimmarrje kolegjiale, e u fokusua fushata vetëm te Njëshi dhe jo te ekipi” Përsa i përket vijimësisë së Bashës si kryetar i Partisë Demokratike Arben Ristani u shpreh se nuk beson që Basha mund të japë dorëheqjen nga posti i kryedemokratit. “Nëse rast se do ta besoja performancën e një lideri Perëndimor, një lider Perëndimor jep dorëheqjen. Ai personalisht ka treguar probleme në raport me të vërtetën. Qoftë me stafin e punës dhe më të tjerët, në lidhje me mirënjohjen dhe vlerësimin. Janë disa problematika në karakter”