Një takim gjatë G20-ës mes Biden dhe Putinit nuk mund të përjashtohet. “Varet” ka thënë në fakt presidenti amerikan kur iu përgjigj një pyetjeje mbi mundësinë që të takojë homologun e tij rus gjatë takimit që do të mbahet në Indonezi. Biden tha në një intervistë ekskluzive për CNN se ai beson se Putin është një aktor racional që sidoqoftë, nuk ka patur gjykim të drejtë për sa i takon aftësive të tij për të pushtuar ukrainën dhe për të nënshtruar popullin e ukrainës. “Unë mendoj se ai është një aktor racional që i ka bërë llogaritë shumë gabim”, tha biden ndërkohë që bombardimet ruse mbi shënjestra civile në Ukrainë sinjalizojnë një pikë kthese në luftën që tashmë është në muajin e saj të tetë. Biden, që paralajmëroi javën e shkuar për rrezikun e një armagedoni bërthamor, tha në intervistë se kërcënimet që dalin nga rusia mund të rezultojnë në gabime dhe keqllogaritje katastrofike edhe pse ai refuzoi të thoshte se si SHBA do të reagonte nëse Putin përdor një armë taktike bërthamore në fushëbetejë në Ukrainë. I pyetur madje nga gazetari i CNN nëse mendonte se moska do të përdorte një armë të tillë në ukrainë, biden u mjaftua duke thënë: Nuk mendoj se do ta bënte këtë. Nëse do ta bënte, rezultati do të ishte i tmerrshëm.Sa për takimin e mundshëm me Putin, Biden shpjegoi se nëse lideri i kremlinit do të donte të diskutonte për yllin e basketbollit amerikan, Britni Griner, që aktualisht është në burg në Rusi, atëherë do të ishte i gatshëm të fliste me të. Për tema të tjera, nuk ka logjikë ta takoj tani – tha Biden.