Një ditë para vendimit të Gjykatës së Bonsnjë Hercegovinës, mijëra persona u mblodhën në Banja Llukë për të mbështetur presidentin e entitetit të Republikës Sërpska, Millorad Dodik, që po përballet me gjykim për mosrespektim të vendimeve të përfaqësuesit të Lartë. Protesta zgjati pak më shumë një orë, ndërsa protestuesit mbanin në duar mbishkrime të ndryshme si dhe fotografi të presidentit rus Vladimir Putin por e flamuj të Serbisë. Protestuesit, sipas Radio Evrpa e Lirë, shkuan me transport të organizuar nga pjesë të tjera të entitetit të Republikës Sërpska. Në skenën e vendosur pranë hyrjes së Asamblesë Kombëtare kishte përfaqësues të Qeverisë së Republikës Sërpska, por edhe studentë dhe njerëz nga fusha e biznesit, të cilit iu adresuan të pranishmëve. Në fjalën e mbajtur Dodik iu adresua të pranishmëve duke theksuar se tubimi ishte “për mbështetjen e Republikës Sërpska e jo të Millorad Dodikut”.“Ky nuk është tubim politik, ky është një tubim i vullnetit dhe mbështetjes”, tha Doddk, i cili dy herë është futur në listën e zezë amerikane për aktivitete kundër Marrëveshjes për Paqe të Dejtonit.