Socialistët kanë ndërmarrë një iniciativë të dytë për shkarkimin e Ilir Metës dhe kjo pritet të ndodhë me grupin parlamentar aktual dhe jo në legjislaturën e re. Tashmë kjo cështje ka rikthyer debatet mes palëve, ndërkohë që vetë Meta i ka konsideruar ‘shashka’, teksa ka rikujtuar numrin e lartë të votave të pavlefshme në zgjedhjet e 25 prillit. "Asnjë përgjigje për shashkat që duan të largojnë vëmendjen tuaj nga 83 mijë votat e pavlefshme dhe me pamjet filmike duhet parë si janë bërë të pavlefshme një pjesë e tyre. Ju e dini shumë që diferenca është jashtëzakonisht e ngushtë. Por, a do të hakmerret Ilir Meta, duke mos dekretuar Edi Ramën si kryeministër. Kjo pritet të shihet gjatë ditëve në vijim, pavarësisht se politika është tashmë në fazën e saj më të ashpër. Akuzave për përfshirje në fushatën elektorale të Lëvizjes Socilaliste për Integrim, presidenti Meta u është përgjigjur, duke saktësuar se ai nuk ka qenë pjesë e këtyre zgjedhjeve. Ilir Meta nuk ka marrë pjesë në këto zgjedhje, kam pasur thjesht një votë si qytetar. Në të ardhmen kur t’i bashkohem LSI-së, do e shihni sa vota merr Ilir Meta” Meta për herë të dytë, pasi një ditë më parë këtë e bëri këshilltari i tij, ka kërkuar ndjesë publike për gjithë qytetarët shqiptarë përsa i përket mesazheve fyese të dërguara në emër të tij, si kepërdorim i numrit personal të telefonit.