Pavarësisht kundërshtive dhe mendimeve që mund të jenë edhe subjektive, nëse analizojmë në objektivitet, reforma në gjyqësor kishte dy shtylla kryesore që pretendonte se do të përmirësonte. Cilësinë në gjykime dhe uljen e stokut të dosjeve. Nëse e para mbetet evazive, pasi mendimet janë të ndryshme dhe në nivel profesionistësh, te pjesa e dosjeve të pagjykuara, që kanë mbetur dhe janë pluhrosur në zyrat e gjykatave, as optimisti më i madh, nuk guxon ta kundërshtojë. Sipas Inside Story, gjyqet janë zgjatur, ndërsa numri i dosjeve është rritur. Nëse penalet ecin disi më shpejt dhe për shkak të afateve ligjore, problemi më i madh mbetet me çështje të tjera. Shpesh, dhënia e vendimit tej gjykimit të arsyeshëm, humbet qëllimin dhe efektet e drejtësisë në vetvete.