Ministri i Punëve të Jashtme të Serbisë, Ivica Daçic iu përgjigj raporteve se Beogradi ka furnizuar Kievin më armë, duke thënë se që nga fillimi i luftës në Ukrainë, nga Serbia nuk është eksportuar armë në asnjërën palë. “Serbia dhe Ministria e jashtme që jep leje për eksport, nuk eksporton pajisje ushtarake në asnjë vend që ne besojmë se do të ishte problematik dhe i diskutueshëm”, deklaroi Dacic. Akuzat se Serbia eksporton armë në Ukrainë ishin mohuar më parë nga ministri i Mbrojtjes, Millosh Vuçevic. Paraprakisht, Moska i kërkoi Beogradit një qëndrim zyrtar lidhur me informacionin se armët serbe i janë dorëzuar Ukrainës, të cilin e ka bërë të ditur zëdhënësja e Ministrisë së Punëve të Jashtme të Rusisë, Maria Zakharova.