13 vota më shumë se kuorimi I nevojshëm siguroi mazhoranca për të miratuar Komisionin Hetimor I cili do të punojë për një muaj për të grumbulluar prova për të shkarkuar Presidentin e Republikës Ilir Meta. Me 98 vota pro mori Partia Socialsite për shkarkimin e Presidentit, të siguruara nga opozita parlamentare. Pori shin vetëm 6 vota kundër dhe një abstenuim nga këta të fundit. Ralf Gjoni, pavarësisht se gjatë fjalës së tij mbajti qëndrim kundër kësaj iniciative, nuk kundërshtoi gjatë votimit por abstenoi. Kundër kanë votuar vetëm Elda Hoti, Artur Roshi, Lefter Maliqi I cili në këto zgjedhje kandidoi për deputet në listën e LSI në qarkun e Beratit, Kujtim Gjuzi, Fatjona Dhimitri si edhe Adriatik Alimadhi, i cili edhe gjatë mbkedhejeve të komisionit të ligjeve ka mbajtur të njëjtin qëndrim. Kjo është hera e dytë që merret iniciativa për të shkarkuar Ilir Metën nga posti I Presidentit ndërsa këtë herë, me miratimin e komisionit hetimor, kjo çështje do të shkojë deri në fund për të iu drejtuar në finale Gjykatës Kushtetuese. Kuvendi miratoi me 97 vota pro gjithashtu edhe përbërjen e Komisionit Hetimor, me kryetar Alket Hysenin, nënkryetar Myslim Murrizin, sekretare Klotilda Bushka dhe 6 anëtarët, Vasilika Hysi, Elena Xhina, Spartak Braho, Halil Jakimi, Nikolin Staka, Arlind Çarçani ndërsa Zëvendësues do të jenë Ermonela Felaj, Xhemal Qefalia dhe Eugen Bojaxhi.