Izolimi në shtëpitë e barit dhe përkujdesja për bimët narkotike për disa muaj, është kthyer në punën e preferuar për shumicën e shqiptarëve të cilët udhëtojnë drejt Britanisë së Madhe, pikërisht për tu marrë me këtë punë, e cila I siguron atyre të ardhura në mënyrë të shpejtë. Pjesa më e madhe e tyre, futen ilegalisht me kamion në vendin ishullor. Një shqiptar tjetër u burgos në britaninë e madhe rreth dy javë më parë, pasi u kap në një shtëpi bari katër katëshe, e cila në total kishte 168 bimë, që kishin nevojë për përkujdesjen e 35 vjecarit Bledar Tenaj. Sipas policisë vendase, nëse kjo sasi do të dilte në treg do të kapte vlerën 92 mijë paund. Shqiptari u vu në pranga nga policia, pasi efektivët kishin marrë informacione nga banorë të zonës përreth se kjo banesë ishte përshtatur për kultivimin e lëndëve narkotike.