Në harkun kohor të një viti, Operacioni Forca e Ligjit sekuestroi shumë llogari bankare me vlera të konsiderueshme dhe pasuri të tjera të paluajtshme, që të gjitha të siguruara nga aktivitete kriminale të disa protagonistëve të krimit, e për të cilët hetimet u kryen nga prokuroria speciale ndryshe SPAK. Por, këto para, ashtu sikurse thuhet edhe në ligj i rikthehen shtetit dhe institucioneve ligjzbatuese, por këtë herë pati një zgjidhje ndryshe, pa u motivuar se përse u veprua kështu. Fondi i posaçëm në dispozicion për t’u përdorur nga organizatat jofitimprurëse të përzgjedhura nga Ministria e Brendshme është 90 milion lekë, prej të cilit pjesën kryesore e morën Policia e Shtetit dhe SPAK. Gjithashtu, përfituese të projekteve ishin edhe 7 OJF, ndër të cilat Fondacioni “Gjurmë” i fëmijëve të punonjësve të policisë të rënë në detyrë. Kështu që rreth 80 për qind e këtij fondi ka shkuar në favor të institucioneve ligjzbatuese, pra Policisë së Shtetit dhe SPAK, dhe 20 % e tij, në vlerën gati 18.6 milion lekë, kanë shkuar për OJF-të. Pjesën më të madhe e ka marrë Policia me 400 milionë lekë, për blerjen e pajisjeve të rrjetit kompjuterik dhe trajnimin e administratorëve të sistemit, për zhvillimin e kapaciteteve të sistemit të menaxhimit të informacionit kriminal".