Nëntëdhjetë shtete dhe organizata janë regjistruar deri më tani për të marrë pjesë në një samit që synon t'i hapë rrugën paqes në Ukrainë, që do të mbahet në zvicër në datat 15 dhe 16 qershor, tha të hënën qeveria zvicerane. Rusia nuk është ftuar në samitin që do të mbahet në Zvicrën qendrore, por qeveria tha në një deklaratë se mbledhja do të synojë të "përcaktojë bashkërisht një udhërrëfyes" se si do të përfshihet ajo dhe Ukraina në një proces të ardhshëm paqeje. Zvicra në janar ra dakord të organizojë samitin me kërkesë të presidentit ukrainas Volodymyr Zelenskiy dhe është përpjekur të mbledhë mbështetjen për të në mesin e vendeve që kanë marrëdhënie më të mira me Moskën, më shumë se sa nga fuqitë kryesore perëndimore. Rusia e ka cilësuar samitin si humbje kohe. Zvicra thotë se Moska nuk u ftua në samit pasi sinjalizoi më herët se nuk kishte interes për të marrë pjesë. Zvicra gjithashtu thekson se Rusia duhet të jetë pjesë e procesit të paqes.