Shqipëria pritet të kapë shifrën e 9 milionë turistëve për këtë vit, kështu u shpreh kryeministri Edi Rama, gjatë një takimi për bilancin e sezonit turistik. Sipas Ramës, vetëm në muajin shtator Shqipëria ka pritur më shumë se 1 milionë turistë. SINK Kemi para nesh shenjat se ne mund të ndërtojmë një Shqipëri turistik e cila të shtrihet përgjatë 365 ditëve të vitit. Shatori është mbyllur me 1.1 mln turistë vizitorë të huaj. Një shifër shumë më e lartë se ajo e shtatorit të kaluar. Deri në fund të gushtit kemi arritur mbi 7 mln turistë. Nëse tetori dhe nëntori do ruajnë trendin dhe dhjetori do jetë një muaj surprizues në këtë trend ne mund të arrijmë edhe 10 mln turistë këtë vit, por me siguri këtë vit në të gjitha rastet do ta prekim tavanin e 9 mln” Por kryeministri është i pakënaqur me të ardhurat e vjela nga turizmi, e kjo për shkak se shumë turistë kanë paguar banesa private, pronarët e të cilave nuk kanë bërë deklarime. Për këtë ai pati edhe një paralajmërim.